2015-2016 Prins Martin I en Prinses Saskia

EFFE VEURSTELLEN

Veurig carnavalsseizoen kregen willie de kâns um as âwwers van Jeugdprins Jori ‘t carnavalsfest in Buul ‘s van unnen ândere kant mej te meugen mâken. ‘t Was ‘n carnavalsseizoen wo willie me ós hoêshawwen me óngeluuëfelijk veul plezeer op terug kiêken. Willie genieten nog steeds nao van dien tiêd, as op veer juni Johan Schenkels nao mien mobiel nummer vrogt. Of ie mich ‘s mâg bêllen. ‘n Vraog over de boerenbrulluft. Maer as ie bie mich thoês in d’n hoof stet, vrogt ie in enne kier wa ich er van zou vinnen um me de volgende carnaval me dreij vèren op miene kop te gôn loeëpen. Willie hêmmen dao nog wel effe over naogedâcht. D’n helle nâcht hit Saskia gen oeëg deecht gedaon. Maer willie wâren ‘t er gâw over ens dae we die kans maer enne kier kriêgen, en willie d’r vur willen gaon um er unne moie carnaval van te mâken. Unne spannende en moie tiêd van veurbereidingen brekt aon. Vanâf dae momeent zien willie bekans elke dâg wel op de ieën of ânder menier bezig me ‘t komende carnavalsseizoen. ‘n Kort carnavalsseizoen? Mej ongeluuëfeluk veul smoesjes en verzinsels hêmmen willie ós kinder en de rêst van alles op de mouw moeten spêllen, as willie wer ‘s weg moesten um ‘n kostuum te koeëpen, of ânder leuke dingen moesten regelen.

Vur wie ós ne kent:
Ich, Prins Martin I bin er enne van de veer van Horstjes âchter oet de Broekkant en hêb in die straot ‘t carnavalsvieren mej de paplepel ingegèven gekregen. Sâmen mej mien Prinses Saskia, de dôchter van Sinterreklös, vörmen willie ‘t neej Prinsenpaar van De Buulder Buk. Willie zien allebei geboren en getogen in Buul. En óch Saskia wet wa carnavalvieren is.
Ze was ne vur niks bie de Malle Janne en laoter nog bie de Knuppels. Saskia is werkzaam as verpleegkundige in het SJG in Wert. En ich bin oetvaartverzörger bie Van der Stappen.
Sâmen zien willie de grötse âwwers van Neeltje, Annelie en Jori. Mej ‘t hieël hoêshawwen zien willie actief binnen ‘t Sint Jorisgilde. Hie bin ich al dreij kier koning gewist, maer nów is Prinses Saskia Koning van ’t gilde. Ich mâg er as Regerend Deken, veurzitter, neffe loeëpen. Me Neeltje as tamboer, Annelie as bazuinblaozer en Jori as vendelier hêmmen willie alle disciplines van ‘t gilde in hoês. Vêrder zien willie allebei actief in ’t Oranjecomité, ‘t Sinterreklöscomité en bie Accordeonorkest Nemaldo.

As Preens hêb ich twieë koningen aon mien zij: Prinses Saskia as Koning van ’t Gilde en Adjudant Frank als Koning der Prinsen 2015.
Willie as Prinsenpaar zien ontzettend blij me Adjudant Erwin en Gwen en Adjudant Frank en Paula. Mej hun sâmen, Vorst Johan en ’t Jeugdprinsenpaar Luuk en Isa gôn willie er ‘n moi fesje van mâken in Buul. Me dit vorstelijk clubke bie elkaor weensen willie alle Bokken en Geiten ‘n moi carnaval ónder ozze leus:

Mej de vlag in de top, zetten willie hieël Buul op ziene kop!

Prins Martin I en Prinses Saskia