2013-2014 Prins Jean-Pierre I en Prinses Harriƫtte

Effe Veurstellen.

Op de verjaordag van ziene klenzooën vroog Moosje mich op ‘n gegèven momeent of hij mien mobielnummer moog hêmmen. “Jao, maer wo veur moeje dae hêmmen,” vroog ich. “Zoedae ich ‘s kan bêllen of gee de neeje preens van Buul wilt wèren.” Maer vêrder woor er nêrges over gesproken.
Toen we ’s aovus thoês wâren hêb ich ’t Harriëtte, mien vrouw, vertêld. Hur urste reactie was: “Dae gôn willie neet doeën, we gôn dit jaor lêkker zoeë carnaval vieren now we genne wâgen mier bowwen.
Maer toen we ‘n paor dâg laoter gezellig me ozze zooën Jimmy in de tuin bie de BBQ zaoten me ‘n pötje beer en ‘n glaos wiên geenk miene mobiel. ‘t Was Moosje, die vroog of willie er al over nao gedâcht hân. Now, ich hoefde er neet over nao te deenken, maer Harriëtte hâw er mier tiêd vur noeëdig. Nao menig gesprek over ‘t wel of neet doeën, hêmmen willie besloëten dae we dan toch in gesprek zôn gaon. Ós Harriëtte hâw nog steeds ne gezigd wa ze wou. Maer op ‘t end van d’n aovund was ze dan eindeluk overtuugd en gâf ze ‘t verlossende antwoord.
En durrum stön willie now hiê as ‘t neej Preensenpaar van Buul. Preensenbal op miene eigen verjaordag, ‘n moier cadeau kunde toch ne kriêgen.

Maer laot ich ós ‘s effe veurstellen.
Ich bin Jean-Pierre Bax, unnen echte Buulder. Ich bin unne zooën van Grad Bax en Miet Huijbens en werk in het dâgelijkse lèven bij VDL Gereedschapmakerij in Hapert. Um ‘s aovus moeder de vrouw neet te vervèlen hêb ich jaoren wâgens gebowd bie CV de Knuppuls, wo van ich óch nog 30 jaor veurzitter bin gewist. Afgeloeëpen jaor hêmmen willie vur de lêste kier mej gedaon aen de Gröte Optocht van Buul en umstreken en hêmmen dao nao d’n overall aen de kapstok gehangen.
Ich bin al jaoren getrowd me Harriëtte Heijmans, ‘n echt Rogstaekerinneke . Ze is de dôchter van Harrie Heijmans en Mien Weegels. Harriëtte is 44 jaor en is in ‘t dâgelijkse lèven werkzaam bie de HEMA in Wert. Ze is óch al 26 jaor lid van CV de Knuppuls. Carnaval is heur óch me de paplepel ingegèven.

Sâmen hêmmen willie unne zooën, Jimmy. Hij is 12 jaor. Óch hij is besmet me ‘t carnavalsvirus. Gêk hè!
Willie hopen dae we ‘n prachtig carnavalsseizoen tegemoet gôn, sâmen me ozze zooën Jimmy, Vorst Tjeu en Adjudanten Jack en John, Jeugdprins Jens en Jeugdprinses Pleun, de Raod van Elf en hun dames, bestuur, familie, vrienden en alle bokken en geiten. Maer óch sâmen me ós eigen carnavalsvereniging de Knuppuls.

Dit alles ónder ozze leus:
ME UNNE KNUPPUL VEUROP
ZETTEN WILLIE HIEËL BUUL OP ZIENE KOP!

BUUL ALAAF!!

Prins Jean-Pierre I en Prinses Harriëtte

Prins Jean-Pierre I en Prinses Harriƫtte