Prins Gerard III en Prinses Carla

Hallo Buulder Buk en Geiten Zoe’n twieje wèken vur Buul kermis bêlde Tjeu Nijssen mich op en zeei: “Gi wet wel veur ich bêl!” Ich zeei: “Nieje, dae wieët ich neet.” “Tja,” zigt Tjeu, “of dae gi preens wilt wèren van de Buulder Buk?” Dao hoefde eech ni lang over nao te deenken. Ich hêb altied al wel us unne kier preens van de Buulder Buk willen zien. Os Carla hit er mier tiêd vur nioeëdig gehad. Maer willie hêmmen ut sâmen goe doorgesproken en willie hêmmen besloten um Preens en Prinses 2012 van de Buulder Buk te wèren. Ich wil ós gèr effe aon ullie veurstellen: Ich zêlf bin Gerard Staals, bèter bekind as Gerrit Stöls. Ich bin getogen en geboren Buullander, 49 jaor joonk en ich bin al 33 jaor werkzaam in de bouw. Dae is mien lust en mien lèven. Mien vrouw is Carla Neijssen en dit jaor zien willie 21 jaor getrowd. Os Carla is werkzaam bie De Zuidzorg in Buul en as ze de tiêd er veur kan vinnen, get ze sporten. Willie wonen in de Meemortel me ós kinder Milan van 17 en Amber van 14. In miene vrije tiêd bin ich vlagger bie ut viefde van Buul en ós Carla en eech zien zoe wa elke zaoterig te vinnen op ’t voetbalvêld as ozze Milan moet voetballen in de A1. We zien óch dikwuls te vinnen bie Ponyclub De Kroenekraantjes umdae ós dôchter Amber dao veul pony riejt.

MEJ CARNAVAL DE TROEFEL IN UT VET
DAN HÊMMEN WILLIE ME ULLIE HIEËL VEUL PRET