2016-2017 Prinsenpaar

‘t Was 24 mei, unne dinzigemörgen.
De telefoon geenk um 11:11 uur. Erik van Ham, hij hâw ‘n probleem mej ‘n bouwtèkening. Of ich effe langs kós komen. Dus eech op miene fiets nao Erik henne. Vâuw ich die bouwtèkening open, stet dao: Johan I en Monique Prinsenpaar Buulderbuk 2016 -2017, iets vur ullie?
Ich zeei mej: “Eech, dae kan ich toch ne, ich bin hellemaol genne goeie sprèker.”
Maer ich nao hoês en thoês overlegd. Monique hit altiêd gezigd dae ze nöit Prinses van De Buulder Buk zou woren, maer gelukkig was de urste reactie toch positief en zoedoende hêmmen we toen hieël vlug besloten um Prinsenpaar van De Buulder Buk te woren, die kâns kriegde maer enne kier in ow lèven!

Willie zien vruuger öit boerenbruidspaar gewist bie De Buulder Buk, dae was ‘n moi festje. En now Prinsenpaar van De Buulder Buk! Willie hêmmen er zin in!

Vur degenen die meech ne kennen, ich bin Johan Duisters, 47 jaor en geboren en getogen in Buul.
De meste kennen mich as “d’n Duuster”. Ich bin unne zoon van Jan Duisters(†) en Toos Thijssen en ich hêb twieje breurs. As klenne jóngen mooch ik mej mien gröte breur Antoon mej nao de Loltrappers. Dao nao bin ich bie CV de Knuppuls gegaon.
Ich bin getrouwd me Monique Twardy (45), ‘n dôchter van Franz Twardy en Riek Teeuwen en ze hit ‘n breur en ‘n zus. Monique hit vruuger mej de Cranendoncklaan me de optochten mejgeloeëpen en is laoter óch bie CV de Knuppuls gegaon.
In ‘t dâgelijks lèven bin ich constructeur van beroep. Ich mâk constructieberèkeningen zoedae gebouwen stevig en veilig gebouwd kunnen woren. In miene vrije tiêd bouw of verbouw ich gèr aen hoêzen, bin ich penningmester bie burtverieëniging de Cranendoncklaan, ich fitness en mountainbike en in ‘t carnavalsseizoen hêlp ich me bouwen bie diverse groepen.

Monique ondersteunt mich in ‘t dagelijks lèven mej ‘t runnen van ós eigen bedriêf. In hurre vrije tiêd duut ze aon fotografie, toffeltennis en fitness. Sâmen hêmmen we twieje kinder, Ilse (15) en Chris (13) en hun is carnavalvieren mej de paplepel ingegèven. As jóng gezin zien we sâmen mej CV ut Begin carnaval gôn vieren. Ós kinder hêmmen allebei al 11 jaor aon kinderoptochten mejgedaon.

Dit jaor bestet ós vriendengroep CV de Knuppuls 33 jaor. Vur ós ‘n speciaal jaor um Prinsenpaar van De Buulder Buk te meugen zien.

Willie hopen dae we ‘n geweldig carnavalsseizoen tegemoet gôn sâmen mej de steun van Vorst Johan, Adjudanten Jean Pierre en Martin en hun dames, Jeugdprins Sem en Jeugdprinses Isa, de Raad van 11 en hun dames, ’t bestuur, familie, vrienden, CV de Knuppuls, CV ut Begin en alle Buulder Buk en Geiten onder ozze leus:

LEGT DE BOUWPLANNEN MAER EFFE STOP
WANT D’N DUUSTER LÖPT IN DE POLONAISE VUROP

Prins Johan I & Prinses Monique